彭浩翔今日去到商台為佢監製嘅電影《同班同學》做宣傳，電影導演陸以心都有同行，對於黃曉明喺微博留言中寫到:「這事我也是第一次，沒啥經驗」問到彭浩翔喺微博留言寫上「就只有一次，不是第一次。祝福白頭到老﹗」係咪暗寸對方？佢話:「唔係，只係覺得有啲missunderstand，應該係一生人一次，寫第一次，仿佛有第二次咁。」

喺電影《春嬌與志明》合作過，曉明今次都有邀請佢飲，不過彭浩翔指有工作在身，所以稍後先食飯同對方補祝。

講到部戲嘅宣佈片屬於IIB級，所以戲中好多激烈片段要刪剪，部戲正式上映時係三級片，因此之前拍嘅片段都可以全部播出，觀眾入場就可以睇到，問到班女演員會否好大壓力？陸以心指佢哋班女仔仲有約埋唱K，應該唔會太大壓力，而彭浩翔覺得班女仔內心應該會緊張，佢話:「我刻意唔畀佢哋睇，留待24號喺東京舉行全班首映時先畀佢哋睇，嚟緊都有好多宣傳，例如呢部戲講女性為主，所以會有女性專場。」陸以心就好鍾意有幕講麥芷誼（Koyi）同廖子妤（Fish）摷綿條一幕，交代到一種似男女間曖昧關係。