曼城喺星期三嘅英格蘭聯賽盃第3圈作客以2:1擊敗西布朗，九個月以來首度正選上陣嘅中場根度簡又喺下半場受傷，雖然領隊哥迪奧拿話根度簡睇起嚟都唔係傷得好嚴重，但情況始終令人擔心。

德國國國根度簡喺55分鐘畀西布朗耶高比從後鏟跌，佢當時即刻示意自己受傷，但仍然可以自己行出球場。哥迪奧拿賽後就話︰「我認為唔係太嚴重，唔會係要唞八個月，只係輕傷。」

26歲嘅根度簡因為嚴重膝傷要做手術，養傷九個月之後上周末先至喺曼城大炒屈福特6:0嘅英超比賽後備復出。