回憶總是缺了角，即使碰碰車場外人潮如鯽，人面也全非，2014年10月，患長期病的父親撒手人寰，卡比多羅比(Robbie)才13歲便要面對喪父之痛。

Robbie父親生前當樂手，他以一手絕妙結他抱得美人歸，一家三口樂也融融，除美式桌球，音樂亦是父子共同語言，父親拿起結他，Robbie吹着口琴，一大一小黃金組合四圍演唱，「以前一齊彈結他、玩音樂、唱吓歌，甚至乎一齊表演，回憶好開心好難忘。」琴斷人去，Robbie世界失去支柱，桌球彷如夢魘，Robbie想過就此放棄離場，「瞓又瞓唔到，食又無胃口，又唔想郁，好辛苦。」

父親離世的噩秏把Robbie踢入低谷，但同時又是父親的緣故引領他走出低谷，Robbie母親憶述，「他的父親嚥下最後一口氣時，Robbie在病榻前承諾不會令他失望，隨後他便閉上眼睛永別。」以前父親悉心培育，身患重病也不忘兒子打球，出錢出力支持，Robbie長大後認識了父親生前好友，才知自己在父親心中的重要，「佢同我講，『七、八年前，你阿爸成日同我炫耀，話睇吓我個仔幾鬼勁。』咁樣我先發覺，原來佢係有幾驕傲有我呢個仔。」父親從前有兩個心願，一是兒子獲知名桌球用具品牌贊助，二是他摘下世界冠軍。前者已經實現，後者距離尚遠，但Robbie過去兩年成亞青冠軍、兩奪世青亞軍，去年又在世錦賽爆冷擊敗世界第一球手，登上世界冠軍寶座絕非天荒夜譚，「我想爸爸喺天上見到我，我每次比賽或者攞獎都會諗起佢，諗起佢擺咗幾多心機落我度，唔好令佢失望。」

記者﹕洪量丰

--------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------
《體蘋果》陪你睇波講波
https://www.fb.com/appledailysports