父親最得意:
送貴嘢畀老竇$1500Q版公仔
除了拍照、心意卡、彩畫Tee,還可以做個陶土公仔留念,怎樣看?
一家幾口,有大有細,要小朋友全程陪父親大人逛商場,準會喊悶,帶他們拍貼紙相吧!
男人老狗做Facial?沒錯,父親節,該做個青靚白淨的父親與老公,逗孩子與老婆歡心。
喊餓,東角道附近美食多的是,食飽,就回家睡,這樣的父親節,可以吧?
千五蚊公仔九成似
兩星期前開業,老闆Thomas是台灣人,在香港定居,摸摸頭,笑了笑:「喺香港讀到中三,過加拿大讀電機工程,貪得意開檔嘢玩吓。」陶土公仔,橫看豎看,也與電機工程拉不上關係,創業,純為一過老闆癮:「喺台灣,呢啲公仔叫『陶土人像製作』,好專門,𠵱家好Hit㗎!上年我過台灣,有朋友做呢行,佢教我搓公仔,我覺得幾得意,一學就學上癮,咪試吓將呢啲台灣玩意帶入香港囉。」上癮還上癮,Thomas坦言學藝未精,只頭髮部份,他方有十足信心。
與一般紙黏土不同之處是,紙黏土屬水性,縱然風乾,莫說遇水,就算只是天氣潮濕,也會出現溶化現象,陶土屬油性,公仔搓妥後,入爐焗20分鐘,完全抽乾水份,理論上只會跌爛,不會自然鬆散。
造型選擇,悉隨尊便,你想得出,Thomas做得到:「新郎新娘、飛車黨、畢業生、情侶……乜都得,我搓得未夠完美,要拎過台灣搵合資格師傅搞,擺低相,兩個禮拜起貨。」
店名:非比尋常(Thomas:61876760)
地址:銅鑼灣記利佐治街1號金百利商場133號舖
營業時間:2:00pm至11:00pm
人像製作收費:單人$450起,雙人$750起,三人以上$1500起