韓國「國民妹妹」IU今年迎來出道10周年，今個月8號佢已來港喺亞博館舉行演唱會，而嚟緊平安夜及聖誕節佢將會喺台北世界貿易中心南港展覽館舉行兩場演唱會。

IU似乎特別喜歡台灣，雖然仲有幾日先開騷，但佢就刻意提早來台灣，順便遊覽一番。根據台灣傳媒報道，IU原定今日先抵台灣，不過佢就刻意更改機票，並提早一日抵台。

而IU趁冇乜粉絲知道佢抵台，即孖住經理人去光華商場附近排隊食紅豆餅，原來嗰度嘅紅豆餅好出名，IU識門路去哪兒，估計佢一早做足功課。

精選韓流，喺晒《娛果》
http://fb.com/appledailyent