組合糖兄妹近日推出新作迎接明年出道10周年，今天到新城電台宣傳，他們表示明年初會出一張EP，收錄3首作品，他們又大手筆投放資源到日本拍攝MV，隨碟更會附送限量糖果罐，「糖妹」黃山怡說：「糖果好代表我哋，唔同時間去食有唔同感覺，可以送埋畀自己出道10年禮物。」

問到10年前後有甚麼不同，糖妹認為：「大家都成熟咗，我好處係大家喺電視見到我，睇住我大一樣。」而「糖兄」潘雲峰則笑說：「我就體形變大咗，最難係出到嚟要有以前種開心感覺，但又成熟咗。」糖兄妹今次的3部曲正好帶領大家由從前走到現在，而其中歌曲《離心力》是糖妹最喜歡的一首，並不時逼身邊好友合唱。

此外，糖兄近年一直有幕後創作，面對近年歌手進退娛樂圈，他堅定地說：「咁多年後我哋都喺度，代表我哋唔會走，同時對10年後作品有信心。」

採訪、攝影：卓寶花

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇