【爆相爆片】太陽娛樂文化老闆周焯華（洗米華）自去年12月底與女友Mandy Lieu「世紀一拖」後，高調給對方「坐正」，今年2月帶囡囡周願去泰國預祝農曆年兼過情人節，本月初二人又再去北海道滑雪。Mandy雖然盛傳大肚陀B仔，但昨又出動與洗米華去了韓國過復活節，讀者陳小姐透過本報「爆相爆片」提供了數張二人在仁川機場的照片。
照片中，洗米華與Mandy排排坐在機場大堂的植物擺設石磚旁，二人均以慣常的黑色情侶裝扮，手中拿着飲品，但就未能看到Mandy的身形是否有變。據陳小姐透露：「佢哋兩個朝早5點幾喺機場大堂出現，同行仲有兩男一女，個女人係外籍人士，佢哋坐足半個鐘，似係等緊司機嚟接。」

忽然錫洗米華面珠

陳小姐表示洗米華大部份時間在玩電話，Mandy就挨實男友，其間她忽然向他錫了一下面珠，又有講有笑。據知他們的10個月大囡囡留在英國由親友代為照顧，故她可安心做跟得女友。骨格精奇的Mandy就算再傳有孕都冇有怕，依然每月陪洗米華外遊，之前有報道她5月帶囡囡回流，已着手為囡囡搵學校，又計劃與洗米華入住南區豪宅，但近日亦有消息指她會延遲兩個月才返港。
採訪：唐如