李亞鵬同奀星馮靜恩激吻,女方帶李亞鵬返香閨,繼而被傳媒發現,有傳李亞鵬係被女方利用作為宣傳工具。
日前李亞鵬帶黑衣馬尾女返別墅「麗宮」,完全係另一回事,該馬尾女明顯與李亞鵬關係較為密切,當日李亞鵬同馬尾女及數名似係商界朋友一齊蒲吧,似乎證明咗李亞鵬對兩人關係喺朋友圈中亦唔太避忌。
當講到李亞鵬之前原先住豪宅晴翠園,之後搬咗去別墅「麗宮」,當大家以為李亞鵬離婚後富貴搬屋,兼金屋藏嬌嘅時候。據麗宮別墅嘅員工透露,李亞鵬其實喺半年前已經租住「麗宮」,李亞鵬同王菲喺9月13號宣佈離婚,但係李亞鵬再早於4個月之前,已經租住「麗宮」,至於係兩人一早分居,定係李亞鵬未離婚已金屋藏嬌就不得而知。
李亞鵬同王菲離婚,王菲一直居無定所,近日有傳王菲斥資3千萬喺香港買樓,而李亞鵬喺最初離婚時,仍帶着女兒李嫣住晴翠園,0依家佢就租住別墅,據地產業內人士透露,李亞鵬離婚隨即將晴翠園放售,照市價計算,晴翠園可以賣到3、4千萬。
而李亞鵬同王菲離婚前,喺北京嘅房產仲有亮馬橋附近一所公寓,而公寓一直係李亞鵬父母同哥哥同住,李亞鵬離婚後,唯有自己另覓地方租住,有推測李亞鵬經濟狀況可能出現問題,外界一直好懷疑李亞鵬嘅生意收入,而且報道通常指佢經商不善或虧本,亦有指王菲因為受唔住李亞鵬金錢太大苛索,導致富婆王菲亦陷於財困,促使二人加快離婚嘅其中一個原因。
本報娛樂版舉辦的「萬千星虧頒獎禮」已經來到第五屆,今屆口號為「全民起義,網民話事」,換言之由網民一人一票選出心目中最虧代表,包括男主角、女主角、最虧節目及最虧場面。讀者可由即日起至本月14日、晚上11時59分之前,到以下網址: http://campaign.appledaily.com/tvawards2013投票。投票結果於本月16日在本報娛樂版及網上公佈。