諸葛紫岐今晚就喺深灣遊艇會出席一個超跑活動，佢仲做埋榮譽會員，佢一身鮮紅色現身，講到今次做榮譽會員，佢就話本身好鍾意飛車，讀書嘅時候都有飛車，但當時係喺加拿大飛車，喺香港就唔會，同埋o依家有小朋友都會安全至上。

講到最近大陸有種好強勁病菌，成日都要去大陸嘅諸葛都好擔心，仲話老公早前喺大陸返嚟之後，受到幽門螺旋菌感染，所以飲食都要小心。

同場嘅趙式芝就同埋伴侶楊如芯（Sean)一齊到場，佢就話Sean都好鍾意車，如果去自駕遊，想幫手都唔可以，因為Sean會不停咁喺乘客位「指導」。

講到鄧永鏘爵士離世，趙式芝指會出席喪禮，因為對方為中國文化出咗好多力。