賭王四房公子何猷君0依家喺紐約華爾街實習，瞬間去咗地球另一邊嘅意大利，原來佢趁幾日假期陪四太阿媽同阿妹超欣去咗拿玻里「三人行」旅行。一向係足球迷嘅猷君仲孖住超欣着拿玻里足球會球衣，另一幅佢擺上ig嘅相，就同超欣齊齊戴帽selfie，佢仲tag自己係Onepiece嘅Luffy，唔講真係唔覺得似，講咗都唔覺似，反而啱啱過咗16歲嘅超欣着住碎花裙，微微見到事業線，個浸少女味吸引啲，賭王讚佢「靚到不得了」真係有佢嘅原因。

猷君成日都乖乖仔上身，上個月先陪住四太去巴黎，真係要讚㗎，但佢似乎唔係好識欣賞呢個地方，仲話：「這城市實在太舊了！來拍照好了，待太久真的受不了呵呵。」佢個家姐超盈就留喺香港同超蓮去食HelloKitty主題餐廳，兩個女仔幾擦得，狂擦吉蒂貓大包。