當年今日

馮仁昭四圍超
鼻手術前再招血光之災 孫耀威溜冰仆爆眉 - 馮仁昭

蘋果日報 2009/10/05 00:00


自從重返香港樂壇後,孫耀威(Eric)嘅發展算唔錯,點知近來禍不單行,五官裏面眼、鼻同口竟然先後受傷要做手術,嚴重影響歌唱事業,不過,Eric仍然識得苦中作樂積極面對,果然夠晒正能量。
事緣早排Eric先發現聲帶出血,久醫不癒,所以去做詳細檢查,點知發現上年撞車時整傷個鼻,原來入面有啲組織未好番,連帶對聲帶都有影響,Eric聽取醫生意見決定做手術一了百了。
empty
為咗醫好聲帶同鼻嘅舊患,Eric直情中西合璧連針灸都試埋,希望早日康復。
empty
阿倫(左一)率領環球旗下歌手好似陳奕迅(右一)、劉美君同Mr.為合唱歌錄音。
眼鼻仍腫
手術前,Eric早前約助手去溜冰當做運動,點知溜溜吓唔小心向前仆,當時Eric以為冇乜事,點知助手再望真啲先發現佢流緊血,連頭巾都變晒紅色,即刻送咗Eric去醫院。醫生檢查後發現原來佢眉骨爆咗,啲瘀血甚至滲咗去隻眼度,即時縫咗十幾針,認真慘情。
眼傷未癒嘅Eric日前仲做埋鼻手術,家康復之中,好彩佢一早同譚詠麟、陳奕迅等為唱片公司嗰首《人人英雄》合唱歌錄咗音,咁就冇阻礙到其他人嘅進度,但因為Eric眼同鼻仲腫緊,仍未知聽日可唔可以出席環球「Uni-Power」記者會。