恭喜﹗恭喜﹗蔡少芬（Ada）榮升第二任媽咪，大女張楚兒做家姐啦﹗張晉今午喺微博透露太太Ada，原來前日（25號）已經誕下第二位美麗小女兒，母女平安，張晉仲放咗一家四口合照，相中Ada面尖尖，修身速度睇嚟好理想；至於手瓜起展的張晉，抱起初生囡囡，一臉幸福，張晉寫道：「 喜訊：張家又添新成員，內人@蔡少芬3月25日平安生下健康美麗的小女兒。女人懷胎十月，談何容易，生命何等奇妙，感謝神！ 」至於Ada亦留言冧老公：「 張生恭喜！。。。一門三美！你最幸福啦！ 」
至於鄭秀文﹑梁詠琪同朱茵等，亦留言恭賀佢哋，朱茵話：「恭喜恭喜！大小平安﹗」鄭秀文就話：「索芬:恭喜！祝bb健康成長！」





「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。

公投網址： http://facebook.com/AppleDailyGoldenPlum