韓國男團Super Junior(SJ)嘅成員崔始源前日嚟香港喺中環出席手錶品牌活動，噚日佢已經離開香港返回韓國。

呢期始源熱愛做運動，不時都會社交網分享佢跑步嘅照片，今日佢就喺網上上載今早踩單車嘅相片，只見始源穿上一身單車選手嘅戰衣，與友人一齊喺馬路上踩單車，佢仲踩到光化門拍照留念，成個踩單車嘅場面就好似拍緊戲一樣。唔知大家仲記唔記得大前年始源曾經拍過林超賢執導嘅《破風》，當年始源聯同彭于晏、竇驍及王珞丹合作，始源喺片中就飾演去咗台灣發展嘅韓國車手，而今日始源上載嘅新相，唔講大家仲以為佢拍緊《破風2》呢。

另外，始源喺twitter指因為好多粉絲都問佢手上嘅彩色手繩係唔係有特別意思時，佢就解釋係有次喺阿根廷嘅街道上見到，最後以5蚊美金嘅價錢買下手繩，不過佢就話綠色個條就爛咗，令佢好難過。
​
更多韓流，喺晒《娛果》
http://fb.com/appledailyent