奀妹傅天穎、名模陳嘉容和另外兩位模特兒,昨日在元朗采茵軒樓盤演出一場池畔泳衣show,她們均穿上黛安芬泳衣亮相。
瑜伽減肥
奀妹昨日自備綠色披肩,與她所穿的深色泳衣明顯不配襯,她說:「冇法啦,我知自己肥咗,同埋唔想咁性感嘛,今次係我第一次行泳衣show,着一件頭已經係極限啦,我冇條件亦冇膽量着比堅尼泳衣呀。」
奀妹又表示為了積極keepfit,最近開始做高溫瑜伽,她說:「我每個禮拜做兩次,每次做個半鐘,雖然重未覺得輕咗,但係啲肉就真係結實咗。」
問奀妹有否留意蘇永康在台灣涉嫌藏毒的新聞,她說:「我知呢單新聞,不過我同佢哋都唔熟,我諗係一場誤會啫。」
珍惜前途
奀妹又表示自己生活正常,在台灣時絕少蒲夜店,所以蘇永康涉案的「TeXound」酒吧,她亦從未踏足,她說:「我好珍惜自己嘅前途,唔會亂嚟嘅。」