被網民稱為「神級抽水機」的自由黨榮譽主席田北俊昨在社交網站facebook發帖，稱其馬匹「人民武士」昨在賽馬中爆冷跑出，隨即發揮其「食花生」技巧，暗撐曾俊華稱希望下周日即特首選舉當天，「會有個受香港市民擁戴嘅特首跑出」。田少又在帖文中hashtag「#人民無事」，解釋其馬匹名字意思。

田北俊今在其電台節目「田式生活」中再提及昨日拉頭馬的經歷，稱「人民武士」的賠率為「半熱門或半冷門」，本認為贏的機會不大但仍即興到馬場捧場，「唔知（隻馬）係咪有人性，噚日跑得特別好喎」，原本落後但最後後1居上成功跑第一。他稱，下星期會有另一場「特首選舉跑馬仔」，「如果嗰日勝出嘅係民望最高嘅，全香港都會開心曬」。

帖文獲近3千個讚好，有網民留言稱希望承他貴言，曾俊華可爆冷勝出；亦有網民留意到田少與頭馬合照時形單隻影，「田少真慘，冇朋友夠膽同佢一齊影頭馬相」。

【網民咁睇】
King Chung：人民「冇事」，林病不治
Wong Patrick：田少真慘，冇朋友夠膽同佢一齊影頭馬相！
Cn Kan：希望連選舉都爆冷
Michelle Pang：犀利，改名都咁貼心！無辦法唔撐！