【更新度地儀指數】

今晚（21日）谷草賽事用C跑道，度地儀指數2.71，場地掛牌為好地至黏地。如天氣情況許可下，將按計劃在第4場後進行壓地。

谷草C欄一向係前置馬天下，以最近5月24日賽事為例，當晚度地儀指數2.74，第1、2場好地至黏地，第3至8場好地，全晚所有頭馬均守前五位入直路建功，其中「紅旗飛將」、「八心之友」、「塑料喜」及「合作愉快」更加一放到底（走位1、1、1），可見放頭跑法威力非常大，具前速之馬必須優先留意。

今戰列陣馬中，第二場「紅旗飛將」上仗正是於5月24日谷草C欄快放贏馬，贏完等番同一移欄再跑，睇部署有心想添食。另外，第六場「獻惑」兩次跑谷草C欄獲一勝一位，亦係全場唯一贏過此移欄之馬，憑較佳場地性能值得睇好。