關仁隱事:「手榴彈」揼骨狂攞著數 - 關仁

蘋果日報 2012/03/31 00:00


內地明星出席活動,收足錢,但一樣要求又多又千奇百怪。關仁早排聽到有一單屬於奇幻級別,前幾年因為拍無間道劇集而爆紅升上一線的男星「手榴彈」,出席一個男裝活動,夜晚散場,手榴彈同公關、傳媒界一齊去揼骨鬆一鬆,點知公關第二日收到張單,人人幾百元落樓,手榴彈張單居然係成萬銀,嚇到公關跳起,左查右查,公關有口德唔講原因,但估計手榴彈應該見有人認頭簽單,咪簽定一大疊coupon,預備將來用,認真貪心兼縮骨!
Textby關仁