每年深水埗腦場電腦節都會有不少限量一件的$1優惠筍貨，所以每年都引來唔少人連日通宵排隊輪候，今年也不例如，因為有$1買過萬元的電競Notebook，也有數千元的大電視及手提電腦等，所以今年最誇張是開始前九日已經有人排隊。我們就去腦場看看有甚麼筍貨！

免費下載〈籽想去台北〉｜travelseed.hk

今年電腦節有不少$1筍貨，包括最新型號手提電腦、55吋4K電視、電競椅和任天堂Switch遊戲機等。九日前就來排隊的Alex，他排第一位，以$1買得全場最抵的MSI最新手提電腦。而本來排第二位的李小朋友，因為本報的肥通上週報道了他來排隊後，已被其家人帶走，與$1筍貨無緣。據腦場人士透露，其實往年原來曾發生過家長報警尋找小朋友事件，最後才發現原來小朋友去了電腦節排隊，那這次肥通可謂幫了李小朋友一家不用上警署。其實今年電腦節也學習動漫節，在前一晚以實名及認樣來做登記，好讓大家在電腦節開始前一晚能回家休息，而在開展前登記人士只需依時到來排隊，就可以按排隊登記順序，選取$1激筍貨品換領証。深水埗腦場電腦節籌辦單位總監Donald說：「今年採用換領証形式，不用大家跑住去搶購。」這個安排絕對要讚一下，一來更公平，二來讓大家買得更舒適。　

雖然$1筍貨已經買唔到，但係電腦節有好多商戶都有優惠筍貨賣。我們找來幾位店長，推介了幾款抵買的平價貨，包括：MSI GF638RC電競手提電腦，採用最新第8代處理器，追加至16GB RAM，特價$9,199；iPhone/iPad專用的Qubii備份豆腐加128GB記憶卡套裝，原價$494，優惠價$468；Samsung microSD記憶卡，支援4K拍攝，64GB優惠價$98，128GB優惠價$199；Cheerson CX-OF迷你無人機，有齊定位、鏡頭、圖傳和遙控等功能，只售$299。其實深水埗腦場電腦節仲有好多平嘢執，大家不妨自己去發掘下啦！

記者：朱崇德、馬子聰
攝影：蕭志南、張志孟