民主黨消息人士透露，由於不少泛民成員及支持者，質疑他們在談判中是否放棄普選原則，與北京有「枱底交易」，所以負責撰寫報告的政改六人小組認為，必須在報告中，將談判內容毫無保留地公開，「一係就唔好公開、一公開就要將所有過程、內容公開，唔係只會又俾人鬧隱瞞事實。」

據了解，報告會由去年底，政府公佈政改方案開始，詳細交代民主黨與中央及特區政府的談判過程，「由大家初步接觸開始，我哋已經開始交代溝通內容」，報告都會寫清楚談判內容，包括對方向民主黨提出建議、民主黨有何回應及要求、以及中央政府反應，「我哋唔敢話去到好似會議紀錄咁，但大體上談話內容會全部寫晒出嚟。」
此外，民主黨徵得中央及相關人士同意後，會在報告中公開所有涉及今次談判人士的名字，包括代表中央最高層與民主黨談判的梁愛詩，「梁愛詩同意公開佢個名、中聯辦都話唔反對，另外一啲曾經同我哋接觸過嘅中央機構、好似港澳政策研究所代表，我哋都會交代。」民主黨也會披露特首在今次談判的角色，「曾蔭權、唐英年、林瑞麟佢哋立場係一致，認同要同民主黨談判，同埋建議中央接受民主黨方案」。

民主黨立法會議員張文光昨在網台節目後表示，會把與中央談判的內容如實記錄，周四提交中委會，其後向巿民公開，暫長7頁，「我哋真係好認真，未講晒、漏咗嘅嘢記得加番入去。」文件更會特別提到梁愛詩要求民主黨與支聯會撇清關係的來龍去脈。
不過，社民連主席陶君行表明，最關心是民主黨有沒有出賣港人，「究竟北京開過乜嘢條件、要佢哋做乜？民主黨點樣回應？佢哋係乜嘢態度？」