【新增回應】
蔣嘉瑩（Vivian）當年憑劇集《我和殭屍有個約會II》主題曲《假如真的再有約會》而為人所認識，後來結婚生仔引退，最近全面復出，原本今晚夥拍新人施匡翹（Zaina）在尖沙嘴舉行音樂會，卻因為肺炎入院，而無緣參與演出，認真黑仔。躺在病床上的蔣嘉瑩氣弱柔絲，但仍堅持要向大家道歉：「對唔住呀！咁多位，辛苦晒大家，我會盡快出院，你哋加油呀！」

由於Vivian本身有份正職，最近因要一面上班，一面與施匡翹宣傳合唱新歌《假如真的再有約會》，結果積勞成疾，病倒肺炎入院。今日凌晨，蔣嘉瑩在家人陪同下到醫院睇急症，經醫生檢查後，証實患上肺炎，需要馬上留院接受治療。原定今晚與Zaina一起舉行的《蔣嘉瑩與施匡翹的音樂約會Part 2》，臻世娛樂宣佈臨時改由公司旗下另一位女歌手蘇慧恩頂替，今晚的音樂會將如期舉行。

臻世娛樂發言人劉麗萍（Apple姐）表示：「已通知主辦單位同場地，多謝大家體諒，如大家帶來不便，深表歉意，祝福蔣嘉瑩早日康復，好好專心休息，我哋好多謝蘇慧恩捱義氣頂上。」

蔣嘉瑩因為肺炎入院，今晚的演唱會臨時找來蘇慧恩代替，蘇慧恩今日接受《蘋果》電話訪問時說：「我噚晚好突然接到知道蔣嘉瑩肺炎入咗醫院消息，我哋全公司都好擔心佢，希望蔣嘉瑩快啲好番，之後公司通知我要頂上演唱，我而家都仲練緊歌，噚晚都練到凌晨3點，因為冇乜時間預備都幾緊張，好彩自己男朋友係鍵盤手，所以佢彈住琴畀我練都好啲，之前又未唱過重新編曲過嘅《假如真的再有約會》，都有啲緊張。」

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港