鄭俊弘(Fred)今日到銅鑼灣時代廣場出席時代廣場主辦嘅音樂會，啱啱喺美加做完演唱會嘅fred表示，前日返到香港但因為時差，呢兩日精神好差瞓得唔好。講到美加之行，佢話：「喺加拿大溫哥華嘅演出，見到好多屋企人，仲請咗兩位舅父同台演出，佢哋係我學音樂嘅恩師，係佢哋教我彈結他，表姐仲幫手唱歌，搞到成個家庭聚會咁。」

鄭俊弘表示今次喺當地總共留咗廿幾日，返到嚟香港就要開始為新碟錄音，希望六、七月左右可以推出。至於女友何雁詩即將會5月中參加高爾夫球公開賽，問到Fred有無陪女友練習？佢話：「無呀，佢有佢自己打。」係咪女友嫌你渣得滯？佢笑言：「我係唔犀利，十次打得中兩次，不過一打就打得好遠，自己對高爾夫球都有興趣，有時間都想繼續打。」

精選娛聞，喺晒《娛果》
http://fb.com/appledailyent