前英格蘭國腳奧雲應英國男士服裝品牌Kent&Curwen之邀，今日抵港展開3日訪港行程。雖然抵港之時接機嘅fans唔多，得7個，奧雲亦態度友善，接受獻花同幫佢哋簽名，之後就出車去下榻嘅TheRitz-Carlton酒店稍事休息。

到晚上7點左右，一身官仔骨骨嘅奧雲離開酒店，去到位於半山英國領事官邸，應是出席welcomeparty，據知席上還請來不少VIP客戶出席。逗留至8點半左右，奧雲就離開，轉場去到銅鑼灣嘅伊榮街。一落車，大批傳媒包圍住佢，問佢方才派對氣氛如何？依家係咪先至去醫肚？奧雲一概未有回應，只顧住同身邊男人傾偈；為求撇甩記者，索性連紅燈都照衝，急急走入一間餐廳。