今日除咗係年初四之外,仲係楊千嬅嘅40歲生日,一班千嬅嘅歌迷一早就應千嬅呼籲,將買禮物嘅錢捐去俾聯合國兒童慈善基金,佢哋仲一早送咗生日卡仲同千嬅切埋蛋糕預祝咗。
微博上面仲有一位廣東歌迷畫咗幅用紅館做背景嘅畫,當中千嬅整緊雞蛋仔,Torres就著住熊仔衫喺旁邊騎住隻馬仔;至於丁生,就喺另一邊單膝跪地,仲收埋紮花喺身後、準備送俾千嬅添。
千嬅半夜3點幾就回應咗,佢話:「Thankyousomuch!!!ursosweet」,丁生今朝亦都大讚幅畫得意,之後再於網上貼一張生日P大合照,sweet爆寫道:「我說過要你快樂!HappyBirthdaytomyLOVE!!!」千嬅一定暈得一陣陣啦!