【短片】Yoga被睹餐廳攬女兼蒲基吧 G.E.M.愛得盲目朋友忠告當耳邊風
蘋果日報 2014/04/02 06:00
鄧紫棋林宥嘉G.E.M.
有報道話G.E.M.嘅朋友，曾經同G.E.M.講過林宥嘉嘅事，不過當時佢冇聽入耳。(資料圖片)- G.E.M.喺佢嘅facebook數臭Yoga。(facebook圖片)
- 去年兩人喺金曲獎一齊行紅地毯。(資料圖片)
- Yoga被G.E.M.朋友目睹去餐廳溝女，蒲基吧與同性表現曖昧。(資料圖片)
- G.E.M.之前被傳同唱片公司外籍老闆兼音樂人LupoGroinig(中)撻着。(微博圖片)
- G.E.M.微博(微博圖片)
- (微博圖片)
鄧紫棋（G.E.M.）同林宥嘉（Yoga）分手後，似乎再見不是朋友，之前G.E.M.仲喺佢嘅私人facebook內數臭舊愛：「直到我後來自己發現原來人家早在外面風流快活！」G.E.M.仲自爆曾經約好兩家人喺台灣食新年飯，不過Yoga就冇現身，只係將媽媽同細佬妹推出嚟應約，同佢嘅屋企人食麥當勞，G.E.M.大鬧：「抱歉我無法祝福你，我沒你那麼虛偽。我對你的行為感到非常失望和生氣。」
今日有雜誌就再爆兩人「分」訊內幕，報道指G.E.M.同Yoga一早就有問題存在，指G.E.M.不時收到朋友報料，話見到Yoga喺餐廳攬女，甚至目睹Yoga喺基吧，同一班同志表現曖昧。
當時G.E.M.嘅朋友都有同G.E.M.講Yoga嘅事，不過佢就冇聽入耳，報道引述G.E.M.嘅朋友話：「G.E.M.根本盲晒，有朋友同佢講，親眼見到Yoga溝女攬仔，佢第一個反應都係話男朋友唔係咁嘅人，又唔會去check吓，後來講多幾次，G.E.M.仲話我哋針對Yoga，佢講到咁，我哋都無謂多事。」
G.E.M.喺facebook數臭Yoga，而Yoga日前喺微博講咗啲嘢，有啲弦外之音，佢話：「想喝菊花茶...配燒賣或什麼之類的。」會唔會係睇到G.E.M.嘅數臭宣言，心火盛，要飲菊花茶下一下火呢？
另外，G.E.M.喺微博未有回應雜誌報道，佢只係貼咗張睡公主相，留言表示：「這是我人生寫的第一首歌。原來不管我怎麼成長，我還是九年前的同一個睡公主。」
之後G.E.M.又再喺微博貼相，佢話：「三個多月前第一次一起飛長沙時，我們並沒想過走著走著會走到今天。轉眼來到決賽，除了興奮，更多的是不捨！我珍惜每一刻，感謝每一刻！我會加油！」
今日有雜誌就再爆兩人「分」訊內幕，報道指G.E.M.同Yoga一早就有問題存在，指G.E.M.不時收到朋友報料，話見到Yoga喺餐廳攬女，甚至目睹Yoga喺基吧，同一班同志表現曖昧。
當時G.E.M.嘅朋友都有同G.E.M.講Yoga嘅事，不過佢就冇聽入耳，報道引述G.E.M.嘅朋友話：「G.E.M.根本盲晒，有朋友同佢講，親眼見到Yoga溝女攬仔，佢第一個反應都係話男朋友唔係咁嘅人，又唔會去check吓，後來講多幾次，G.E.M.仲話我哋針對Yoga，佢講到咁，我哋都無謂多事。」
G.E.M.喺facebook數臭Yoga，而Yoga日前喺微博講咗啲嘢，有啲弦外之音，佢話：「想喝菊花茶...配燒賣或什麼之類的。」會唔會係睇到G.E.M.嘅數臭宣言，心火盛，要飲菊花茶下一下火呢？
另外，G.E.M.喺微博未有回應雜誌報道，佢只係貼咗張睡公主相，留言表示：「這是我人生寫的第一首歌。原來不管我怎麼成長，我還是九年前的同一個睡公主。」
之後G.E.M.又再喺微博貼相，佢話：「三個多月前第一次一起飛長沙時，我們並沒想過走著走著會走到今天。轉眼來到決賽，除了興奮，更多的是不捨！我珍惜每一刻，感謝每一刻！我會加油！」