星期日（16日）原有十場賽事，不過依照天文台預測，「山竹」將迫近香港，當日有機會發出八號或更高信號，所以唔少馬迷都說今次都係唔使刨馬先，因為隨時白費心機。

依照香港有航空公司，一早已讓預購了周日航班的旅客改期，究竟風打唔打得成有數得計！

就算「山竹」最終擦邊，以它的中心風力達200公里兼且環流極大，沙田馬場還要較谷草當風，亦可預期周日有馬跑的話都會橫風橫雨，也會影響往績的參考性，所以，將度馬工序延至今晚（15日）謀定而後動，應是上策。

畢竟還是季初，馬迷總覺來日方長，今期跑少次好閒，但對韋達來說，可能是全港最想馬照跑的人，因為周日他出馬九匹之餘，更算得上惡馬如雲，情況有如像上次（9日）日馬中三元的田泰安。

如果周日跑得成馬，筆者認為韋達今次頭馬至少有機會坐二望三（場）。

第七場「乘勝追擊」於開鑼日（2日）為韋達帶來今季首捷，末段以按韁姿態彈甩馬群之餘，亦交出了一個足夠贏四班強組的表現指數。

今次「乘勝追擊」升班負輕磅，並不足以構成贏馬阻力，難怪韋達超兩磅都要騎。

至於第三場「綠勇士」特利季初，開鑼日跑1400米嫌放得太快，結果兩匹與牠鬥搶的全熱門「芙蓉莊」及「威進駒」末段腳軟潰敗，「綠勇士」仍可頂住第三並不簡單。

周日續配韋達再戰1400米，大可效法對上兩季，首仗熱身後翌仗取勝而回。