【李八方online】余德寶開班教籃球 培養新一代櫻木花道
油尖旺區籃球公民黨余德寶李八方ONLINE
余德寶(小圖)嚟緊會教區內青年打籃球,佢最近開始操FIT自己,預備做個好教練。(受訪者提供)
原來佢中學時係隊內小前鋒,曾經喺比賽入咗致勝一球,令隊伍勝出比賽。(受訪者提供)
而家做地區工作,一啲都唔簡單,唔只要關顧居民,更加要諗吓舉辦唔同嘅地區活動,議員吓吓仲要親身上陣。公民黨油尖旺區議員余德寶就同八方講,嚟緊會喺議員辦事處搞個青少年籃球課程,會有少數族裔參與,佢到時唔單只會監場,亦都會充當安西教練落場教波,培養新一代櫻木花道。
余德寶話,佢中學開始已經好鍾意打籃球,已經打咗7年咁多,自己本身打開小前鋒,而做區議員之前,佢亦都曾經喺東涌社區中心教小朋友同青少年打波。佢最近就靈機一觸,覺得打籃球都可以係社區服務,所以嚟緊會喺議員辦事處搞青少年籃球課程,自己會做教練落場教波,佢最近亦都開始操FIT緊自己,預備課程。
余德寶話區內其實有好多少數族裔社群,而籃球係世界語言,希望通過運動連結唔同社群,等所有人可以互相認識同好好溝通喎。
立會補選新聞,《蘋果》一網睇晒
http://bit.ly/appledaily1125