三月已經過咗一半，開始春回大地，朝早起身嗰陣嘅氣溫都已經無之前咁凍，晏晝仲要幾熱添，應該可以扮靚靚出街喇係咪？不過大家唔好掉以輕心住，因為天文台預測呢個禮拜後期會涼番啲，到時記得帶多件外套出街喇！

現時出面氣溫21度，相對濕度91%。

目前一股和暖嘅海洋氣流影響緊廣東沿岸，天文台預測本港地區今日大致多雲，能見度較低，日間部份時間有陽光，最高氣溫約22度，吹和緩偏東風。展望未來一兩日部份時間有陽光，潮濕有霧，本週後期將會轉涼。