雷神莫雷拉第七場三班1600米，以文家良馬房「駕喜」增添一Win，跑完呢場為止，雷神全日仲未甩三甲，騎過六駒出賽共取兩冠兩亞兩季，在騎師王拋離所有對手。

大熱門「駕喜」堪稱季內一大奇馬，從李易達返回文家良馬房受訓以來四戰全勝，至今同雷神合作三戰亦未輸過，由五班1600米開始反彈，一路贏上三班1600米，難怪雷神攬實唔放，今場單Win及組合獨贏A1分別派30.5及19.5元。賽後文家良女兒首次亮相凱旋門。

呢場「駕喜」後上奠定勝局，由徐雨石訓練的「勁嘉輝」則由羅理雅靠放入Q，五歲馬季內累積七次第二，亞軍次數乃今季紀錄。三、四名分別為鄭廐「好力煌」及容廐「贏男」，四重彩派一萬五千幾，三T有人中正獎，每注派超過1,274萬元。

當中「好力煌」騎師湯智傑這天作掛靴前最後一戰，以此駒名次最佳。