由韓國女神宋慧喬孖朴寶劍主演嘅重頭劇《男朋友》，今日將播出第7集，劇集自上月底開播後，首周收視突破雙位數字，成為同時段韓劇冠軍，港迷可於「黃Viu煲劇平台」追看。

《男朋友》除咗有喬妹同朴寶劍外，喺劇中飾演朴寶劍弟弟嘅男團Block B成員P.O，佢已於日前首度亮相，仲以生鬼演技成功吸納唔少粉絲，不過喺日前公開嘅一段《男朋友》花絮片中，P.O唔知係唔係被喬妹嘅仙氣吸引住嘅關係，搞到不斷NG。片段中，喬妹同朴寶劍喺烤肉店對戲，P.O則被發現死守一旁偷師，欣賞二人嘅演技，而其中一幕就講P.O巧遇「劍喬」，雖然只得幾句台詞，但P.O就不停NG，笑死現場一班工作人員，仲笑佢專登NG，搞到P.O尷尬不已，最後只好自爆係喬妹嘅粉絲：「見到（宋慧喬）真人嗰一瞬間，我死...心動到死了！」

精選韓流，喺晒《娛果》
http://fb.com/appledailyent