郭秀雲和兒子景峰、唐文龍、陳慧珊、胡楓今早在中環出席慈善步行活動，郭秀雲極力推廣保育拯救海龜，開心獲一班好友支持。

郭秀雲和吳綺莉一向互相支持，但今日唔見吳綺莉蹤影，郭秀雲話佢有工作在身，不過大家已約好一齊過新年，仲話：「當然朋友間都會呻一下近況。」一直指卓林結婚後已經返港，日前卓林亦被影到與Andi在油麻地食班戟（新聞連結： http://bit.ly/2L62N7Y ），問到郭秀雲有冇同對方聯絡？佢話：「佢都唔喺香港，有啲嘢未搞得切，未辦妥啲手續，隻狗都未搞得掂，點返呢。」係咪再飛返加拿大？郭秀雲就只透露卓林不在港。

郭秀雲雖然已約定吳綺莉，但都希望卓林一齊出席，至於歡唔歡迎卓林帶埋另一半Andi出席？郭秀雲話：「佢（Andi）有機會想同我講嘢，但我唔想嘥氣同啲咁嘅人講，我唔會尊重佢。我覺得作為一個老師，同埋年紀大人咁多嘅人，如果係真心愛一個人，應該去輔導、幫助對方去做正常人應該做嘅嘢，例如返工，或搵好自己將來一條路，呢個同男、女或年齡無關，愛情可以跨越一切，問題係正常人應該要做番正常事，對社會要有貢獻。」

陳慧珊一家三口現身支持環保，佢正忙於準備一個教育節目，而另一個博士論文課程仲有三年才完成。聖誕會一家返美國，已經四年無時間回去，爸爸之前八十大壽，返去特別開心。

精選娛聞，喺晒《娛果》
http://fb.com/appledailyent