當年今日

小瑪歌嗌咪:吳大維轉吼熟女

蘋果日報 2008/10/06 00:00


吳大維早前被踢爆同身材惹火嘅台灣女藝人張本渝分手,但都不愁寂寞,上星期42歲牛一嘅佢,喺前日凌晨3點,喺台北Primo夜店出現,相約幾名打扮成熟嘅女伴以及同性友人夜蒲。當晚吳大維到場後先大聲咁同男性友人打招呼,之後見到熟女友人後,佢竟然變得低調,甚至匿喺其中一個着背心裙嘅長髮女友人(左一)身後,非常閃縮。直至性感女藝人李蒨蓉到場,吳大維先打破沉默,大嗌李蒨蓉嘅英文名。不過事後李蒨蓉嘅經理人話當日李蒨蓉只係出席親友喜宴,而唔係約咗吳大維喎。