中國帽后飛達帽業（1100）副主席顏寶鈴俾80後、90後刁難。因乜事？話說最近佢收到一封後生仔寄嚟嘅求職信，詳列對份工嘅期望：每周工作5天，每日工作8小時，月薪逾2000蚊人仔、食好住好瞓好、唔好咁大壓力。最「驚」典一句係，份工可以畀佢「自然醒」，即係幾時起身返工都得。咁都夠膽寫出嚟，實在令華華拜服。
咁有乜對策？咪就係提高員工福利囉！顏太話，集團家會安排員工進行軍訓，培養佢哋嘅紀律、職業道德。咁都係福利？佢話，呢項「福利」可以獲得廣東省政府一半資助。此外，最近省政府仲為外省民工提供最多過萬蚊嘅醫療補助，員工福利越嚟越完善。