【新增內容及圖片】
由韓國「長腿Oppa」李敏鎬孖《鬼怪》女星金高恩主演的SBS劇集《The King：永遠的君主》，今晚迎來大結局，香港劇迷可於Netflix追看。

而劇組今日就公開花絮照片，當中一眾演員趁機合照留念，李敏鎬孖金高恩更送上花束冧「盧尚宮」金英玉。同時眾人亦發表終映感想，當中飾演大韓帝國的皇帝李袞的李敏鎬表示：「呢8個月嘅大長征將永遠留喺我嘅記憶中，呢部係作為30代演員開始嘅作品，以後會以好作品來填滿自己嘅每一頁。最重要嘅係感謝再次相遇嘅緣份，亦感謝新嘅緣份，想對等待已久嘅粉絲們、觀眾們表示感謝。」至於哪一幕令他最印象深刻時，李敏鎬則自言屬第4集結尾，他帶金高恩首次進入大韓帝國後，並向她說：「我是大韓帝國皇帝，那個不容許妳叫嘅名，係李袞。」同時李敏鎬亦祝福觀眾要健康，自己亦會竭盡全力，一步一步地前進。

在劇中一人分飾兩角的金高恩則選擇第11集和第12集中與李敏鎬「血淋淋的重逢場面」為經典場面，她說：「在釜山拍咗三日，感覺非常深刻，觀眾亦都好鍾意呢啲場面，多得觀眾們話睇我演出好有意思，令我努力拍攝到最後，真係非常感謝。下次會以更好嘅面貌、更好嘅作品同大家見面，希望大家繼續關注最後一集，看看我同李敏鎬能唔能夠再次見面。」而金高恩昨日亦在IG公開新相，當中她穿上空手道服望着櫻花樹，未知是否在櫻花樹下與李敏鎬再見面？

飾演大奸角「李霖」的李廷鎮則笑言：「希望李袞能阻止李霖，好好守護鄭太乙（金高恩飾）。喺困難時期，再次感謝大家嘅收看同支持。」

另外，李敏鎬亦趁今晚大結局在IG晒多張新相，當中包括他和劇中好兄弟禹棹煥的親暱合照，大晒HeHe情。

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新