台灣藝人「蛇姬」林采緹嘅老公胡睿兒，最近惹上涉性侵風波，當時正懷孕嘅林采緹就好堅強咁面對呢件事，而上周三(17日)就為胡睿兒生咗囝囝，老公就全程陪產(新聞連結： https://bit.ly/2uQGATI )。

噚日係林采緹嘅28歲生日，佢就喺月子中心過，但佢並不孤單，因為佢嘅好朋友都有去月子中心陪佢過生日之外，林采緹仲喺ig首度貼出囝囝嘅萌照，佢話：「你就是我最棒的生日禮物。我愛你。以後生日都跟你一起過」，相中見到BB坐喺汽車安全座椅，有網民就好奇問：「怎麼會在車上，不是要坐月子嗎？」

另外，林采緹係生日前夕喺ig晒咗一束玫瑰花，留言話：「生日前夕小驚喜」，並附上夫妻加兒子的圖案，睇嚟係胡睿兒嘅「愛的禮物」，更有人想起佢所屬嘅團體「Under Lover」的成名曲《癡情玫瑰花》。

精選娛聞，喺晒《娛果》
http://fb.com/appledailyent