【搶先爆】51歲溫碧霞談婚變:好想過番做女嘅生活
離婚溫碧霞
51歲嘅溫碧霞,今年7月突傳同結婚17年嘅投資公司董事嘅何祖光,婚姻出現問題,二人並已分居四個月(新聞連結: http://bit.ly/2tMsFx0 ),但係佢哋婚姻係溫碧霞51歲生日時,女方話決定唔離婚,半年內分手又復合,一個好戲劇性嘅發展!(新聞連結: http://bit.ly/2fmawDC )
溫碧霞憑最近憑《火玫瑰》海潮一角,喺泰國舉行嘅《第二屆文化交流與經貿合作頒奬典禮》奪傑出貢獻獎,又於2017亞洲影響力盛典獲頒「最佳經典影視劇女演員」,雙喜臨門,今日更接受《蘋果》訪問,首開腔談到婚變。事過境遷,溫碧霞也樂於交心,無所不談。
溫碧霞說:「其實我由識佢到依家,真係經歷咗唔同嘅階段。我同佢係一見鍾情,我為佢付出咗好多,例如結咗婚之後我真係拍少咗好多劇,同埋好多時都係……自己同自己鬥爭,真係有諗過分開,亦的確有過感情嘅低潮。」
「但經歷過呢件事之後,我真係覺得,呢個男人係可以陪我走到尾,同埋呢個人對我非常honest,非常愛我。」至於點解感情忽然現暗湧?「呢半年時間我真係好忙,成日飛咗去第二度,佢又忙啦,到見番嘅時候,我覺得愛情嘅感覺係淡咗,好似中間冇咗愛咁樣。」
「可能我個人又追求激情,我有時又會諗,我想過番自己嘅生活,因為結咗婚之後唔係一個人生活。因為結婚之前自由自在,不過為咗對婚姻負責任,你都要care番對方嘅感受。但有時真係好想過番做女嘅生活,我有時真係會咁樣諗。」
咁究竟中間有何觸發點令兩人婚變?溫碧霞稱:「其實係中間會冇咁濃烈囉,咁就會覺得好似有問題咁,咁就會想分開囉。(是否覺得丈夫忽然變成「生活夥伴」而不是心愛的男人?)其實我哋不嬲都stable,你會肯定呢個男人anytime都會support你,開心唔開心都會聽你講,但係間中坐埋一齊大家就會冇嘢講,好似只係習慣有個人喺度,冇咗嗰種拍拖嘅熱情,冇咗嗰個好愛嘅moment。」
溫碧霞說話,有時離開屋企一段時間去開工,再返到去,佢發覺自己最掛念係囝囝Xavier,而不是老公:「我覺得呢個係問題。」
場地提供 : 富豪九龍酒店
化妝 :Khaki yan
髮型 :Ken Ng @ Queens Private i