李逸朗(Don)、鄭敬基和梁雨恩今日到荃灣出席一間畫廊嘅開幕儀式,原來鄭敬基一有空閒,就會亂畫打發時間。佢話:「當年拍《白髮魔女傳》,哥哥(張國榮)見到我亂畫就話好得意,仲叫我畫一張比佢,後來我用咗3日,畫咗一張3吋乘3吋大嘅比佢,佢仲同我講話掛咗喺睡房。」
而Don年前曾於深圳學習油畫,佢話:「我喺自己房就掛咗張100吋嘅玫瑰油畫,就係當年嘅功課,亦都係惟一畫過嘅一幅,當時用咗廿幾日時間,喺深圳嘅油畫村到畫呢幅畫,陪咗我10年,不過之後對油晝完全失去興趣。」
佢哋又提到4月1日舉行嘅哥哥紀念音樂會,因為排舞同時消瘦,又笑言因而愛上跳舞。