【睇通睇透】搵自購馬買 佢可以幫到你(魯賓遜)
自購馬佳運星睇通睇透魯賓遜李易達
李易達馬房近期發動攻勢,最近兩次(17及23日)日賽都成功起孖,而且上次日賽勝出的「沙角威龍」及「南莊加寶」,賽績上毫無根據;前駒過往跑田草從未入Q,後駒在港初出兼排12檔,但臨場賠率亦非特別冷落,反映幕後對牠們亦有一定的信心。
的而且確,大部份李廐馬近期操練明顯加強,尤其是三、四歲的質新馬,經常被安排參加試閘催谷馬匹狀態。
李廐馬在港初次贏馬或上名,賠率通常都好可觀,如上季爆15倍開齋的「菠蘿油」,以及24倍贏馬的「火天大有」。而且,牠們都是減分多的自購馬,贏馬前從未跑入三甲。
元旦日(下月1日)第四場四班 1200米,李廐「佳運星」在港十戰皆不上名,陣上走勢毫無睇頭,實情是表現未見真章。
此駒由三班頂80分,減到目前四班58分,花七個月減去22分,減分速度卻相當快。相隔上賽個半月,12月曾兩度試閘,晨課動態好積極,12月12日試泥閘1050米,末段扣實亦湧上勝出,走勢脫胎換骨。十日後由柏寶再試泥閘,末段逐步追前,狀態前所未見咁好。
「佳運星」馬身向來單薄,而近仗體重亦大約1,020磅,近期操練如此落力,但近期馬身肌肉飽滿,反映呢匹元旦日轉四歲的愛爾蘭馬,成熟及成長程度拾級而上。
此駒之前十仗都由華將策騎,今仗突然改由柏寶執韁,部署滿肚密圈,值得吼實。
==============================================================
【minigame】2017瘋暈人物 返工打機唔使擇日
http://bit.ly/2CeWQkP