橙天嘉禾（1132）挨近3年低位，同省鏡業績背馳，買橙天煲中線。橙天2010年度（12月底止）同比09年度12個月核心業務溢利，翻咗一番到4700萬銀。而祖國同胞消費力提升，電影業火紅，唔少自家製影片好似《讓子彈飛》，叫好又叫座，橙天繼續肥仔水，PE有條件再調降。又橙天先前入股獨立製作公司Legendary3.3%，呢期亦獲大孖沙新世界發展（017）旗下投資旗艦「新策略」中，斥資3.5億銀入股。後邊Legendary合資拍電影19部，全球票房380億銀。Legendary有咁嘅實力，若果有資本市場活動，反映身價，橙天亦一樣肥仔水。買橙天，博追番同業1.5倍PB水位，橙天現價喺0.465元，講緊要升70%，到0.81元。