【新增回應】
大台藝人李天翔(原名李志偉)早前同拍拖六年嘅圈外女友譚寶怡(BoBo)喺香港簽紙註冊結婚，當日一切儀式從簡，仲講到明會再飛沖繩行禮，屋企人亦會一齊去，不過就唔會喺香港補擺喜酒。

而佢哋喺沖繩嘅婚照終於有得睇，佢哋貫徹簡單、低調作風，李天翔一身淡紫色西裝，而太太就以白色喱士婚莎行禮。而李天翔回覆傳媒就話：「因為同太太去旅行時經過教堂，而太太講過話想喺教堂行禮，所以今次安排喺沖繩教堂行禮。」佢仲話今次只係同兩方家人一齊出發。

講到心情，李天翔就話：「同太太心情平復，不過行禮時因為教堂嘅步驟、規矩非常緊慎而緊張。」佢仲話喺當地已經影埋婚紗相，不過要等當地公司印好都要兩、三個月時間。

李天翔仲講到佢同太太喺27號行禮，不過因為當地喺前一日開始天氣不穩，搞到婚禮當日原定喺沙灘影嘅婚照都要喺室內拍攝。

更多娛聞，喺晒《娛果》
http://fb.com/appledailyent