有神仙外號之稱的蔡約翰重新連贏五日，氣勢如虹。

今期（11日）出馬依然既多且勁，雖缺少了好拍檔莫雷拉幫手，但要爭取六連勝未見有太大阻力，好似上賽一轉去跑泥地即贏到對手甩晒轆之「架勢」，正如神仙旗下質新馬，越跑越好，進步幅度往往可以好驚人，上仗贏馬後加10分，睇準泥地先安排再出，相信縮程亦問題不大。

「架勢」今晨（8日）最後試跑跳兩段，慢開直路稍加快，《蘋果》晨操專家積奇就指出，馬匹收身線條更為顯現，毛水深潤，出腳暢順有力，當打馬狀態愈戰愈勇。

至於周日（11日）其餘參戰勇馬方面，積奇亦大讚蘇保羅的新勝馬「勇冠王」，馬身喼得靚，跨步開揚有彈力，心火旺，勇況持續。

積奇補充「勇冠王」雖然今次要升班作賽，以及由快活谷轉跑沙田，但因狀態仍弗爆，遂要繼續加以留意。