【新增影片】
周日東京網賽，衞冕嘅「丹麥甜心」禾絲妮雅琪喺女單決賽只用73分鐘，就以直落盤6:0、7:5輕取俄羅斯球手柏芙理尤珍高娃，今季七次打入決賽終於捧盃，成功打破二奶命！

自上年10年喺香港捧盃後，禾琪喺今年嘅多哈、杜拜、邁阿密、伊斯特本、瑞典同辛辛那堤六個決賽都屈居亞軍，難怪佢賽後話：「今場係我喺今年第七場決賽，我喺比賽中保持專注同打得進取，好開心可以贏得冠軍！」值得留意嘅係，禾琪喺下月會再訪維園，力爭於香港網賽衞冕。