馬刺老將柏加喺上季西岸四強對火箭時受傷，導致左腿四頭肌腱撕裂，至今仍未復出。不過，美國傳媒近日爆料，話呢位35歲控衞康復進度理想，上個禮拜已經可以參與球隊2on2同3on3嘅練習，而佢今個禮拜更有機會參加5on5嘅練習賽。

普波域治（Gregg Popovich）亦指柏加康復進度理想，練習時都可以用盡全力去跑，但愛徒預計最快都要12月先歸隊。被問到確實嘅復出日期時，柏加仲講笑話：「我要等普波域治醫生點頭，我先可以復出。」