【抗暴之戰】教局未審先停職 中學校長會前主席：或將衝突帶入校園 請局方再諗一諗
蘋果日報 2019/12/11 15:17
教育局中學校長會未審先判反送中抗暴之戰
李雪英認為，若在法庭未有判決前將該老師停職，可能引致學生示威外界聲援，將衝突帶入學校，希望教局再諗一諗。
一名教師周一（9日）於上水因涉嫌管有鐵釘、電鑽、白電油等被捕，教育局昨稱已要求該教師所屬學校「履行其作為僱主，以及確保學生安全的責任，考慮暫停該教師的職務。」中學校長會前主席李雪英表示，事件需要處理的並不是一個老師的操守問題，而是整個社會氣氛的問題，若在法庭未有判決前將該老師停職，可能引致學生示威外界聲援，將衝突帶入學校，「到底係暫停佢職務，會令學生受影響少啲，抑或學生受影響多啲？如果我用學生利益去諗，我都請教育局再諗一諗。」
李雪英接受《蘋果》訪問時表示，以往亦有教師未被法庭定罪已被停職的例子，若教師被控的罪名涉及在校內的暴力行為，例如虐待學生或對學生的不恰當行為，即使法庭未審結其案件，由於該教師返回學校或會對學生構成威脅，暫時將其停職都是合理做法。但若果不是這類情況，而是牽涉教師在校外的行為，學校有需要詳細考慮，「暫時停職係會令學校安寧一啲，定係會令學校更加唔安寧？」
李雪英指出，若有足夠證據，教育局本身都可以採取行動，現時做法有如「將個波拋返畀學校」，在現時對立的社會氛圍中，會令到學校非常為難，「又不能完全學校可以自主喎，因為佢（教育局）又強力勸喻，但係到咗由學校做咗決定，如果引致更大問題時，責任到底喺做決定學校，抑或強力勸喻佢嘅教育局身上呢？」
李雪英強調，該名教師被捕並非單一事件，而是在「整個社會氣候裏面其中一件事」，若單獨考慮該教師涉嫌帶危險品而作處理，「係實際上唔通吖嘛，大家都知係實際上唔係，唔只咁樣樣。」李認為，在現時社會動盪的情況下，處理亦應考慮做法是否有助緩和，還是會令紛爭更加熾熱。
教育局亦表示，已初步完成60宗與近期社會事件有關的教師專業操守個案調查，當中約30宗初步成立。李雪英直言，現時政府與民間互不信任，若教育局已對個案有判斷，但其處理過程透明度卻不高，「到最後有無公信力，啲人接唔接受呢？其實又另外一啲衝突點喺度。」
記者 鄧力行