喺勞工處做咗三十六年嘅前任助理處長周東山,退休後開咗間語言教學中心,佢噚日除咗同八方講咗好多不滿教統局嘅話外,另方面又話佢因為喺勞工處做過,更加要做個好僱主,所以喺佢間語言教學中心教書嘅教師,所享嘅福利真係好好。
周東山話,佢為咗吸引最好嘅人才,所以教師嘅薪酬比市面多三成,兼且每半年分花紅一次;佢哋重享有一個月年假,重要係未包括公眾假期;而教師做夠三年,校方重會將強積金供款率嘅資方部份,由百分之五提高至百分之七點五。
點解要立志做好僱主?周東山話「以前勸老闆要善待僱員,成日俾人笑,話你(周東山)唔係老闆,梗係咁口響。」
所以𠵱家梗係要反擊啲無良僱主,做個好榜樣啦!
傳真︰2623-9278
電郵︰
[email protected]