踏入三月份開始，出賽馬或因體力下降關係，發覺近期經常爆冷。翻查對上一次2月27日谷草C加3欄賽事，當晚只有三匹大熱勝出，尤其第四場賽後壓地，跑道形勢逆轉，有別過往大利貼欄前置模式，此點值得留意。另外，第六場「成才」回師贏馬路程，有力一撼強敵「魅力星星」。

第六場三班1200米：正路馬膽一定係「魅力星星」，近績穩定，四檔加雷神，自然秤高多少，再數有實力挑戰前駒的就是「成才」，上季晨操之星經常失控拉唔住，今季方嘉柏接手後轉換操練及部署模式，表現脫胎換骨。

「成才」11月尾落四班立即搏殺得手，同程排12檔，跟前守二、三位，末段彈甩對手贏馬，砌低「清福」及「弛曜風」，計卡士在三班必定夠用，之後四戰獲兩季，二月初跑後上從化休養及重新操練，期間兩課大閘才再安排上陣，在儲滿新鮮感後縮程回師贏馬路程，部署非常合理。

「成才」埋門與「東山再起」拍跳，見助手專登用鞭在馬眼前示意加速，即交出凌厲反應，今戰排九檔照計會跟贏馬戰略跟前守好位，出王牌用田泰安，可與「魅力星星」爭一日之長短。

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/UkZT7poxmV