港足年初二喺旺角場同港聯踢賀歲波，但最新消息係東方同南華未必放人。東方總監梁守志解釋，足總早前考慮過搵銀牌決賽頂檔，又諗過安排東方對香港飛馬嘅港超聯做替補，最終唔成事，所以球會已通知年廿九操練後放假兩天；𠵱家足總突然又安排賀歲波，好難向球員交代，只有申請免役。據聞南華（圖）亦唔支持，足總行政總裁薛基輔話派唔派兵由球會決定，但點都應該夠人踢。