當年今日
關於我們

【你的樣子如何】美斯剃鬚後生十年 迪利亞里留鬚被笑似毒梟!

蘋果日報 2020/05/26 00:00

巴塞隆拿西甲美斯迪利亞里

巴塞隆拿球王美斯近年都留住一把大鬍鬚,望上去有幾分似啲中年大叔。不過喺巴塞周一發佈嘅操練照入面,居然發現美斯剃咗鬚青靚白淨,成個人後生十年,啲球迷仲大讚呢位巴塞球王靚仔㖭!
美斯日前先畀傳媒搵返佢18歲被節目男主持「性騷擾」嘅片段,但依家32歲嘅佢,剃鬚後同當年幾乎冇分別,好多球迷都極like美斯嘅新形象,仲話啲青春返晒嚟,又大讚佢靚仔。自從16年夏天之後,美斯就開始留住把大鬍鬚,唔少球迷留言叫佢剃鬚,但係都起唔到咩作用,他話呢個係勝利嘅象徵喎。
不過咁,留鬚唔係個個carry到,熱刺中場迪利亞里最近分享自己留鬚嘅新造型,點知畀一班老友笑佢成個賊咁,隊友尼當比利同曼城球星阿古路,仲話佢似足墨西哥大毒梟古斯曼!李斯特城兩位球星占士麥迪臣同芝維爾,亦唔執輸笑埋一份,搞到迪利亞里自己都忍唔住笑!
empty
empty
empty
empty