香港大學經濟學教授王于漸（圖左）今天出席記者會遲到，唔通受佔中塞車受累？原來佢係高估自己體能，由於金鐘仍封路，佢要由長江中心行去金鐘開記者會，途中要跨欄過馬路，結果搞咗一大輪遲到。問佢佔中有冇影響他在港大授課，佢話事件發展至今，一啲都冇影響，唔見上堂學生人數少過，事關平日上堂，一向都唔見一半人！依家大學生走堂情況好普遍。

對於學生對民主的追求，他亦認為一個民主社會，最重要係市民有「炒人權利」，可以透過投票剔走不合適總統，所以提名權亦好重要；即時選舉揀錯人做總統也是其次，「美國列根總統都係因為靚仔，被女選民推舉選上總統。」

記者：周燕芬