由李民基及庭沼珉主演嘅tvN韓劇《今生是第一次》由開播已經討論度極高，收視率更Keep住升，上周二結局一集更創新高達4.931%收視率，成為開播以來最高一集嘅收視。

有咁好成績，劇組亦落實到濟州島進行休假，劇中嘅男女主角李民基、庭沼珉亦有出席，劇中拍檔金玟錫、朴秉恩今日就喺Instagram上載合照。劇中甜蜜嘅李民基及庭沼珉，私下亦感情要好，合照中兩人齊齊坐喺金玟錫、朴秉恩中間，4人更扮Cool咁冇表情影相，相當搞鬼。

而《今生是第一次》劇組日前公開咗李民基及庭沼珉煞科日嘅拍攝花絮，只見李民基似乎真係好唔捨得「老婆」庭沼珉，攬到實一實唔願放咁，庭沼珉就拍拍對方背脊以示安慰。

更多韓流，喺晒《娛果》
http://fb.com/appledailyent