52歲英國名模伊莉莎伯凱莉(Elizabeth Hurley)出晒名係美魔女典範,至今仍保持住火辣身材,除佢原本嘅個人Instagram帳號多達76萬人追隨外,佢又開埋自己名下泳裝品牌「Elizabeth Hurley Beach」嘅專屬Ig,裡面有唔少佢穿上自家比堅尼嘅火辣水着照,靠伊莉莎伯凱莉自己做生招牌,令品牌Ig帳號都引來大旺follow,佢近日仲慶祝帳號粉絲超過10萬人,開心擺出舉腳甫士曬出性感泳照。
凱莉唔止保養得宜,仲好有生意頭腦,佢開設呢間泳裝品牌走輕熟風,同時設有兒童泳裝系列,專攻時下在忙碌工作與家庭生活之外,同時想追求美麗外貌嘅輕熟女士及美魔女。